Ar y cyd â Thîm Gwella Entrepreneuriaeth Prifysgol Glyndŵr Wrecsam, rydym yn treialu menter newydd gyda Thŷ Pawb, hwb cymunedol Wrecsam.
Yn garedig iawn, maent wedi rhoi benthyg berfâu i aelodau ein prosiect. Darganfyddwch fwy yma.
GARDD FURIOG FICTORAIDD ERLAS YN NHŶ PAWB
Ddoe, aethom draw i weld ein haelodau yng Ngardd Furiog Fictoraidd Erlas wedi paratoi ac yn barod i gwrdd â phobl Wrecsam. Roeddent wedi dod â phopeth gyda nhw, o hadau ac egin blanhigion, i geirw wedi’u saernïo a nwyddau wedi’u gweu, popeth wedi’i gynhyrchu ar eu safle yn Wrecsam. Pan ofynnon ni sut mae pethau’n mynd, dywedodd Pat ‘mae’n brysur yn barod, rydym wedi gwerthu ambell i beth, ac nid yw hi’n 10am eto!’. Rydym mor falch eu bod wedi cael dechrau da!
Bydd Erlas yn Nhŷ Pawb bob dydd Iau rhwng nawr a’r Nadolig. Peidiwch â cholli’r cyfle.
YNGHYLCH GARDD FURIOG FICTORAIDD ERLAS
Nod Gardd Furiog Fictoraidd Erlas yw hyrwyddo a diogelu iechyd pobl ag anableddau drwy gynnig gweithgareddau ystyrlon yn ystod y dydd, addysg a phrofiad gwaith mewn amgylchedd busnes gardd, gan alluogi unigolion i ddatblygu eu galluoedd meddyliol a chorfforol, a thrwy hynny, gwella ansawdd eu bywyd.
Maent yn hyrwyddo cadwraeth, diogelu a gwella amgylchedd naturiol a ffisegol Gardd Furiog Fictoraidd Erlas, er budd addysg a mwynhad y cyhoedd.
YDYCH CHI EISIAU LLE AR GYFER EICH BUSNES YN NHŶ PAWB?
Mae nifer cyfyngedig o leoedd ar gael o hyd yn Nhŷ Pawb – cysylltwch os hoffech chi gael lle ar gyfer eich busnes.